Нефтекамала дәүләт филармонияһы бинаһы яңыртыла

Бында ҡыйыҡты ремонтлағандар, фасадты яңыртҡандар, витраждарҙы алмаштырғандар һәм бинаға инеү урынын, холды, гардеробты тәртипкә килтергәндәр. Шулай уҡ тышҡы яҡтан яҡтыртыу эштәрен башҡарғандар, күтәрмәне гранит менән тышлағандар, эргә-тирәләге биләмәне төҙөкләндергәндәр. 2026 йылға тамаша залын яңыртыу, электрҙы монтажлау, бүлмәләрҙе биҙәү эштәре, вентиляция ҡорамалдарын модернизациялау планлаштырыла.

Филармония етәкселеге менән бергә Радий Хәбиров учреждениены артабан үҫтереү, шул иҫәптән концерт майҙансығын өҫтәмә йыһазландырыу һорауҙарын тикшерҙе. Барлыҡ эштәр тамамланғандан һуң, яңыртылған филармония республиканың төньяҡ-көнбайышында тағы ла бер заманса мәҙәни майҙансыҡ буласаҡ, тип билдәләне төбәк етәксеһе.