+8 °С
Дождь
Йәмғиәт
15 Апреля , 13:50
Урман хужалығы министрлығы янғын хәүефе миҙгеле асылыуы тураһында хәбәр итә
8 апрелдән республика урман фонды биләмәһендә махсус контроль режимы индерелде. Ҡарар ыңғай температура билдәләнеүе, йыһан мониторингы саралары менән термик нөктәләрҙе асыҡлау һәм ҡоро үҫемлектәрҙең йыш янып китеүе менән бәйле ҡабул ителгән.
Янғын хәүефе миҙгеле ғәмәлдә булған осорҙа йәш ылыҫлы ағастар янында, ҡырҡынды һәм ҡоро үләнле урындарҙа усаҡ яғыу, шулай уҡ эргә-тирәләге баҫыуҙарҙа ҡаулан яндырыу тыйыла.
Башҡортостан буйынса Ғәҙәттән тыш хәлдәр министрлығы граждандарҙы яуаплы булырға саҡыра: һәр төрлө һаҡһыҙлыҡ, шул иҫәптән ташланған тәмәке йәки урманда ҡалдырылған быяла ярсыҡ экологик һәләкәткә килтереүе ихтимал.
Был осорҙа штраф санкциялары күпкә көсәйтелә. Физик шәхестәргә максималь штраф – 60 мең һум, вазифалы кешеләргә 110 мең һумға тиклем тәшкил итә. Янғын хәүефһеҙлеге ҡағиҙәләрен боҙған өсөн юридик шәхестәргә 2 миллион һумға тиклем штраф һалына.
Урман янғындарын асыҡлағанда кисекмәҫтән 8(347) 218-14-14 йәки 8(800) 100-94-00 телефондары буйынса хәбәр итергә кәрәк.
Урман хужалығы министрлығы янғын хәүефе миҙгеле асылыуы тураһында хәбәр итә
