Берҙәм биометрик системала 7 миллион рәсәйле теркәлгән

Системаның һәр ҡулланыусыһы үҙ мәғлүмәттәре менән үҙе идара итә. Дәүләт хеҙмәттәре порталында биометрияның ғәмәлдә булыу ваҡытын тикшерергә йәки уны эшкәртеүгә ризалыҡты кире алырға мөмкин.

Биометрик өлгөләр шифрланған килеш башҡа шәхси мәғлүмәттәрҙән айырым һаҡлана һәм бер ҡасан да система периметрынан ситкә китмәй.
Ҡануниәт һәр төрлө дискриминацияны ҡәтғи тыя, шул иҫәптән биометрияны теркәргә баш тартыусыларға хеҙмәттәргә инеүҙе сикләүҙе лә. Шулай уҡ уны теркәү ҙә граждандарҙың ризалығы менән генә башҡарыла.