МХО-ла ҡатнашыусылар һәм уларҙың ғаиләләре өсөн өҫтәмә хеҙмәт гарантиялары

- Өҫтәмә килешеү махсус хәрби операцияла ҡатнашыусыларҙың һәм уларҙың ғаилә ағзаларының социаль-хеҙмәт гарантияларын киңәйтә. Мәҫәлән, инвалидтарҙы эшкә алыу өсөн квоталар, махсус эш урындары булдырыу, лайыҡлы эш хаҡы билдәләү менән бәйле нормаларҙы һәм йөкләмәләрҙе нығыта. Махсус хәрби операцияла ҡатнашыусылар һәм уларҙың яҡындары хеҙмәткәрҙәр штатын ҡыҫҡартҡанда эштә ҡалыу, һынау срогы булмаған эшкә ҡабул ителеү, ғаилә ағзаһының отпускыһы менән бер үк ваҡытта отпуск алыу, эш биреүсе менән килешеп өҫтәмә ял көндәренә һәм башҡа бер нисә өҫтөнлөккә эйә булыу хоҡуғынан файҙаланасаҡ, - тип һөйләне Республика өс яҡлы комиссияһының Хөкүмәт яғынан координаторы, Башҡортостандың ғаилә, хеҙмәт һәм халыҡты социаль яҡлау министры Ленара Иванова.

Компанияның финанс мөмкинлектәрен иҫәпкә алып, өҫтәмә килешеү коллектив килешеүгә хәрби хеҙмәткәрҙәргә, махсус хәрби операцияла ҡатнашыусыларға, хәрби хеҙмәткәрҙәрҙең ғаилә ағзаларына, МХО ҡатнашыусыларына бер тапҡыр бирелә торған түләүҙе; хәрби хеҙмәткәрҙәрҙең ғаилә ағзалары, махсус хәрби операцияла ҡатнашыусыларҙың ғаризаһы буйынса хәрби хеҙмәткәрҙең отпускы осоронда өҫтәмә түләүле ял көндәрен һәм башҡа ярҙам сараларын биреүҙе күҙ уңында тота.

– Республика килешеүенең йөкләмәләре һәм гарантиялары-ул хеҙмәткәрҙәрҙең хеҙмәт хоҡуҡтарын һәм гарантияларын кәметеү яғына үҙгәрә алмаған минимум. Йәғни идеалда һәр территориаль тармаҡ килешеүе, коллектив килешеү уның камиллаштырылған вариантына ынтылырға тейеш, - тип һыҙыҡ өҫтөнә алды Ленара Иванова.

Хәтерегеҙгә төшөрәбеҙ, ғәмәлдәге социаль партнерлыҡ тураһындағы Республика килешеүе иҫәп буйынса ун дүртенсе. Башҡортостанда социаль-хеҙмәт мөнәсәбәттәрен көйләүҙең бындай механизмы 1993 йылдан алып 30 йылдан ашыу ҡулланыла.

Документ тексы менән танышырға мөмкин: https://mintrud.bashkortostan.ru/activity/16941/  

Башҡортостан Республикаһы Хөкүмәте сайтынан