+6 °С
Болотло
Киләһе эш аҙнаһы алты көнлөк: шәмбе 2 ноябрь - эш аҙнаһы. Артабан республика халҡын 4 ноябрҙә билдәләнгән Халыҡтар берҙәмлеге көнө уңайынан ике ял көнө көтә.
Хеҙмәткәрҙәр ял һәм байрам көндәрен рациональ файҙаланһын өсөн 2 ноябрҙәге ял көнө шишәмбегә, 30 апрелгә, күсерелгән.
«4 ноябрь эшләмәгән байрам көнө булып иҫәпләнә, йыллыҡ түләүле отпуск бирелгәндә ялдың календарь көндәре иҫәбенә индерелмәй, йәғни отпуск бер көнгә оҙайтыла. 2 ноябрҙә эш көнө бер сәғәткә ҡыҫҡара. 4 ноябрҙәге байрам көнөндә эшкә сығыу икеләтә күләмдә (Рәсәй Федерацияһы Хеҙмәт кодексының 153-сө статьяһы) түләнә йәки хеҙмәткәргә икенсе ял көнө (ял) бирелә», - тип билдәләнеләр төбәк дәүләт хеҙмәт инспекцияһында.