Алғы һыҙыҡтағы яугирҙәрҙе, «Ватанды һаҡлаусылар» фондын, республиканың хәрби комиссариатын, Башҡортостандың ситуация үҙәген йәлеп итеү планлаштырыла.
Башҡортостан юлдаш телевидениеһы журналистарының иғтибар үҙәгендә - махсус хәрби операция яугирҙәренә дәүләт ярҙамы саралары, хәрби хеҙмәткәрҙәргә һәм уларҙың ғаиләләренә төбәк һәм федераль түләүҙәр, республиканың гуманитар ярҙамы, яугирҙәребеҙҙең ҡаһарманлыҡтары, тыуған илгә тоғролоҡ һәм хәрби туғанлыҡ.
Башҡортостанда төбәк Башлығының башланғысы менән контрактсыларға түләүҙәр 1 миллион һумға тиклем артты. Телемарафонда ысын ир-егеттәр эше, заман геройҙары тураһында һөйләүгә айырыуса иғтибар бүленәсәк. Махсус хәрби операция яугирҙәренең әсәләре, ҡатындары, балалары - шулай уҡ геройҙар. Улар телемарафондың ҡунаҡтары буласаҡ.
Махсус хәрби операция темаһы Башҡортостан юлдаш телевидениеһы өсөн өҫтөнлөклө булды һәм булып ҡала. Журналистар даими рәүештә хәрби хәрәкәттәр зонаһына сыға, репортаждар әҙерләй. «Үҙебеҙҙекеләрҙе ташламайбыҙ», «Әсәй» махсус проекттары тамашасылар күңеленә хуш килде. Тиҙҙән телеканалда махсус хәрби операция темаһына «Ватанды һаҡлаусылар» тигән яңы программа эфирға сығасаҡ.