"Үҫеш нөктәһе"нән яңы үрҙәргә

Был үҙәктәге эш "Физика", " Химия", "Биология" фәндәре буйынса өс йүнәлештә алып барыла.

Уҡытыуҙан тыш өҫтәмә белем биреү ҙә ошо йүнәлештә ойошторолған. Тәбиғи-фәнни һәм технологик йүнәлеш буйынса килгән яңы заманса ҡорамалдар: һанлы лабораториялар, тәжрибә үткәреү өсөн ҡорамалдар, ноутбуктар, робототехника буйынса йыйылмалар уҡыусыларға төплө белем алыуҙа мөмкинлектәр асты.

"Үҫеш нөктәһе" үҙәгендә шөғөлләнеүселәр төрлө ҡаҙаныштары, еңеүҙәре менән әленән-әле ҡыуандырып торалар. 2021-2022 уҡыу йылында уҡыусылар робототехника буйынса (етәксеһе: Гәлиуллин Р. С.) район кимәлендә генә түгел, ә республика кимәлендә үткәрелгән ярыштарҙа призлы урындар алыуға өлгәштеләр.

Өфөлә үткән "Робофинист" республика чемпионатында мәктәп командаһы II урын, "РобоКод" ярышында I урын, "Робоһабантуй-2022" фестивалендә II урын яуланылар. Бынан тыш, төрлө уйын категорияһы буйынса уҡыусылар айырым призлы урындар алып, иҫтәлекле бүләк - грамоталар менән бүләкләнделәр.

Яңы уҡыу йылы ла робототехника яратыусы уҡыусылар өсөн уңышлы башланып китте. Улар Бөрө ҡалаһында уҙғарылған VI Халыҡ - ара "Ҙур ярыштар-2022" ярышында "Воздушное Сумо" буйынса -I , " Эстафета"ла III урын алып ҡайттылар.

"Үҫеш нөктәһе" артабан үҫергә, яңы үрҙәргә менергә ярҙам итеренә ышанысыбыҙ ҙур.

Автор: "Үҫеш нөктәһе" етәксеһе Таңсулпан Ғәбиҙуллина