Бөрйән халҡы ла “Рәсәй өсөн” музыкаль-патриотик марафонына ихлас ҡушылды.

Ошо сара сиктәрендә ДНР һәм ЛНР республика халыҡтарына гуманитар ярҙам йыйыу ҙа ойошторолдо.  

-"Әлеге ваҡытта илебеҙ ҡатмарлы осор кисерә, Рәсәйгә төрлө яҡлап баҫым яһала. Илебеҙ, Президентыбыҙ һәм Украина ерендә барған махсус операцияла ҡатнашҡан егеттәребеҙ беҙҙең хуплауға һәм теләктәшлеккә мохтаж, - тип билдәләне үҙенең сығышында район хакимиәте башлығы Ғәзиз Манапов.
-"Ҡыҙғанысҡа ҡаршы, махсус операция юғалтыуҙарһыҙ булманы... Беҙҙең райондан да яҡташтарыбыҙҙың йәшләй генә ғүмерҙәре өҙөлдө. Илебеҙ киләсәге өсөн ғүмерҙәрен биргән яҡташтарыбыҙ – Кинйәкәев Инсур, Шәмиғолов Ильяс, Ғәлин Илшат, Ҡарағолов Хәкимйән һәм Бикбулатов Байегеттең батырлыҡтары алдында оло хөрмәт менән баш эйәбеҙ. Ҡалған егеттәрҙең иҫән-һау, еңеү менән ҡайтыуҙарын теләйбеҙ!Тик иңгә-иң терәшеп, илһөйәрлек һәм берҙәмлек менән һәр бурыстарҙы атҡарып, ҡаршылыҡтарҙы еңеп сыға аласаҡбыҙ. Беҙ үҙебеҙҙекеләрҙе ташламайбыҙ!"