ЦУР хәбәр итә: тажзәхмәт буйынса декабрҙә ғәмәлгә ингән сикләүҙәр

Тапшырыуҙа ҡунаҡханаларға, санаторийҙарға, курорттарға һәм ял йорттарына барғанда вакциналау йәки кире ПЦР менән "медотвод" ҡағыҙы кәрәклеге тураһында һөйләнеләр. 

Коронавирустың яңы "Омикрон" штамы табылған илдәрҙән килеүселәргә аэропортта бушлай ПЦР-тест яһаясаҡтар. Улар шулай уҡ 14 көнлөк карантин үтергә тейеш.

"Омикрон" арҡаһында Рәсәйҙә ПЦР-тестары 48 сәғәт кенә ғәмәлдә буласаҡ. 

Төрлө транспортта сит илдән ҡайтҡан Рәсәй граждандарына ПЦР-тест тапшырыу һәм уны "Дәүләт хеҙмәттәре" аша ебәреү мотлаҡ ҡала. 

Башҡортостан "Роспотребнадзор"ы ҡарарына ярашлы, ошо һылтанма буйынса исемлектәге хеҙмәткәрҙәр категорияларына 18 декабргә тиклем вакцинаның икенсе өлөшөн яһатыу мотлаҡ: http://02.rospotrebnadzor.ru/upload/iblock/7d7/16_p1...

30 декабргә тиклем икенсе компонентты ауыл хужалығы, сәнәғәт, төҙөлөш тармағы хеҙмәткәрҙәре ҡабул итергә тейеш. Коллективта вакциналанған кешеләрҙең 80 проценттан кәм булмаҫҡа тейеш - юғиһә улар эштән ситләтеләсәк.

Республиканың баш санитар табибы Анна Казак белдерә: икенсе илдә йәки төбәктә ял иткәндә кәйеф ҡырылмаһын өсөн алдан прививка яһатырға һәм вакциналау тураһында QR-код/сертификат алырға кәрәк. 

https://ye102.ru/articles/ya-yly-tar-ta-ma-y-netu/2021-12-01/tsur-h-b-r-it-tazhz-hm-t-buyynsa-dekabr-m-lg-ing-n-sikl-r-2602817?utm_source=vk&utm_medium=social&utm_campaign=35065816