Башҡортостандың баш ҡалаһына көрәш буйынса донъя чемпионатына Берләшкән көрәш донъяһы президенты Ненад Лалович һәм Рәсәйҙең Спорт көрше федерацияһы президенты Михаил Мамиашвили килде.
16 августа Лолович Башҡортостан Башлығы Радий Хәбиров менән осраша һәм Рима Баталова исемендәге Спорт әҙерлеге үҙәгенә бара.
Хәтерегеҙгә төшөрәбеҙ, бөгөн «Өфө-Арена»ла спорт көрәшенең олимпия дисциплиналары: ирекле һәм грек-рим көрәше буйынса ярыштар башлана. 16 һәм 17 августа – ирекле көрәш, 18 һәм 20 августа – ҡатын-ҡыҙҙар көрәше, чемпионат 20 һәм 22 августа грек-рим көрәше менән тамамлана. Йәштәр араһында спорт көрәше буйынса донъя чемпионатын асыу тантанаһы «Өфө-Арена»ла 17 августа көндөҙгө сәғәт 4-тә була.
13 һәм 14 августа Өфөлә грэпплинг һәм грэпплинг-ги буйынса ярыштар уҙҙы. Ике көндә Рәсәй спортсылары 39 алтын, 24 көмөш һәм 23 бронза миҙал яуланы. Наградалар һаны буйынса икенсе урында – Ҡаҙағстан (18 алтын, 23 көмөш һәм 22 бронза).