Пилотһыҙ системалар ғәскәрҙәре: түләүҙәр, талаптар, хәүефһеҙлек

- Был ғәскәр төрө яугирҙары сик һыҙығынан алыҫ хеҙмәт итә. Өҫтәүенә, технологиялар ни тиклем тиҙ үҫешкән һайын дрондарҙың осоу алыҫлығы ла ҙурая, оператор ҙа тора. Шуға күрә бындай хеҙмәттә хәүефһеҙлек кимәле арттырылды, - тип һыҙыҡ өҫтөнә алды программа ҡунағы. Алмаз Абдрахманов аңлауынса, РФ оборона министрлығы хеҙмәтендә дрон операторҙары булып 18-35 йәшлек йәштәр була ала. Рәсәй оборона министрлығы менән контракт төҙөгәндә улар ике айлыҡ уҡыуҙар үтә һәм һуңынан ғына хәрби подразделениеларға ебәрелә. Украинала махсус операция барышында улар бпла ярҙамында төрлө бурыстар үтәй: разведка, оҙатыу, күҙәтеү.

Контракт төҙөгәндә хәрбиҙәр өсөн бер тапҡыр бирелә торған түләү РФ оборона министрлығынан - 400 мең һум, Башҡортостан хөкүмәтенән 1 миллион һум тәшкил итә. Хәрби хеҙмәткә ингәндән һуң уларға ай һайын 220 мең һум түләнә. Спикер журналистарға пилотһыҙ системалар ғәскәрҙәренә йыш ҡына ошо йүнәлеш буйынса белем алған уҡыу йорттары студенттары инеүе хаҡында ла һөйләне. Улар академик отпуск алырға, бер йылға контракт төҙөргә (был уларға тейешле ваҡытта эштән бушатыуҙы гарантиялай), ә һуңынан колледжға йәки юғары уҡыу йортона ҡайтырға һәм льготалы шарттарҙа уҡыуын итергә мөмкин. Мәҫәлән, түләүле уҡыуҙан улар бюджетҡа күсерелә ала. - Башҡортостан хәрбиҙәре хәрби бурыстарын юғары кимәлдә үтәй, - тип өҫтәне Алмаз Абдрахманов.

Пилотһыҙ системалар ғәскәрҙәрендә хеҙмәт итеү тураһында тулыраҡ мәғлүмәт алыу өсөн Белорет һәм Межгорье ҡалалары, Белорет һәм Бөрйән райондарының хәрби комиссариатына мөрәжәғәт итергә мөмкин. Шулай уҡ 122 йәки +7917-453-78-03, +7937-306-58-87, +7917-040-90-56, +7937-351-16-73 телефондары буйынса шылтыратып һорашырға була.