-2 °С
Болотло
Бөтә яңылыҡтар
Спорт
6 Ноябрь 2025, 09:18
"Хәрәкәт" фестивале үтте
1 ноябрҙә Торатау итәгендә милли һәм этник спорт төрҙәре буйынса тәүге тапҡыр “Хәрәкәт” йәштәр патриотик фестивале үтте. Унда "Ауҙарыш", "Тәңкә алыу", мас-рестлинг, суҡмар ташлау, таш күтәреү, арҡан тартыу, таш күсереү, традицион уҡ атыу кеүек ярыштар үтеүе ҡаралғайны. Фестивалдә беҙҙең райондан да ҡатнашыусылар булды.
"Хәрәкәт" фестивале үтте
Яҡташыбыҙ, республиканың милли һәм этник спорт төрҙәрен үҫтереү үҙәге директоры Илнар Салауатов ошо ярыштарҙы ойоштороуҙа ҙур ярҙам күрһәтһә, Яңы Собханғол ауылынан Динислам Кинйәбаев мас-рестлинг буйынса 60 кг-ға тиклем ауырлыҡ категорияһында 1-се урын алды. Шулай уҡ Динислам ауҙарыш, йәғни ат өҫтөндә көрәш буйынса 55 кг-ға тиклем ауырлыҡ категорияһында 1-се урынға, Илдан Салауатов 40 кг-ға тиклем ауырлыҡ категорияһында 3-сө урынға сыҡты.
“Тәңкә алыу” уйынында Фазыл Кинйәбаев - 2-се, Айнур Бейембәтов 3-сө урындарҙы яуланы. Афарин!
"Хәрәкәт" фестивале үтте
Новости партнеров