Рәсәйҙә МРОТ, йәшәү минимумы, бюджет хеҙмәткәрҙәренә эш хаҡы һәм башҡа социаль түләүҙәр арттырыла

«Хаҡтарҙың артыуы халыҡ кеҫәһенә һуғыуын аңлайым. Шуға күрә тиҙҙән социаль түләүҙәрҙе, шул иҫәптән пособиеларҙы һәм пенсияларҙы арттырыу тураһында ҡарар ҡабул итербеҙ. Минималь эш хаҡын һәм йәшәү минимумын күтәрербеҙ, шулай уҡ бюджет өлкәһендә эш хаҡын арттырырбыҙ», — тине дәүләт башлығы.

Бынан тыш, ул хөкүмәткә ҡыҫҡа ваҡыт эсендә эшһеҙ ҡалғандарға ярҙам сараларының һөҙөмтәлелеген анализларға ҡушты. Президент билдәләүенсә, бындай сараларҙы киңәйтергә кәрәк, шул иҫәптән социаль контракт механизмы иҫәбенә.

https://www.bashinform.ru/news/economy/2022-03-16/v-rossii-budut-uvelichiny-mrot-prozhitochnyy-minimum-zaplaty-byudzhetnikam-i-vse-sotsialnye-vyplaty-2730787