+25 °С
Облачно
Новости
31 Июля , 04:56
Баланы мәктәпкә әҙерләү нисә һумға төшәсәк?
РФ Хөкүмәте ҡарамағындағы Финанс университеты доценты Петр Щербаченко белдереүенсә, быйылғы уҡыу йылына баланы мәктәпкә йыйыу өсөн иң кәмендә 30 мең һум самаһы сығым китәсәк. Был иҫәпкә мәктәп формаһы, рюкзак һәм канцелярия тауарҙары йыйылмаһы инә.
Баланы мәктәпкә әҙерләү нисә һумға төшәсәк?
Эксперт әйтеүенсә, малайҙарға классик костюмды 7 меңгә, бер пар салбарҙы 1,8 меңға, кроссовканы 1 мең һумға, ә ҡыҙҙарға пиджак менән итәкте 1,3 меңгә, салбар һәм пиджакты 5,4 меңгә, күлдәкте 2 меңгә, бер пар салбарҙы 2,2 меңгә һәм кроссовканы 1,5 мең һумға табырға мөмкин.
Бынан тыш, уҡыусыларға спорт костюмы (3 мең), ике-өс блузка-күлдәк (3,9 мең), майка һәм шорты (550 һум), футболка (550 һум), күн туфли (3,1 мең), шулай уҡ рюкзак (2 меңдән 7 мең һумға тиклем) һәм канцелярия тауарҙары (яҡынса 5 мең һум) алырға тура киләсәк.
Брендлы йәки «премиум» әйберҙәрҙең дөйөм хаҡы бер бала өсөн 47-62 мең һумға етергә мөмкин.
