КУШНАРЕНКО РАЙОНЫ ҠАЛТАЙ АУЫЛЫНДА МОДУЛЛЕ ФЕЛЬДШЕР-АКУШЕРЛЫҠ ПУНКТЫ АСЫЛДЫ

Объект «Һаулыҡ һаҡлау» милли проекты сиктәрендә сафҡа инә. 600-ҙән ашыу кеше, шул иҫәптән балалар ҙа заманса шарттарҙа медицина ярҙамы аласаҡ. ФАП-та пациенттарҙы ҡабул итеү һәм процедуралар уҙғарыу өсөн айырым бүлмәләр һәм махсус ҡорамалдар ҡаралған. Яңы бинаға зәңгәр яғыулыҡ, һыу үткәрелгән, тип хәбәр итә БСТ.

Ҡалтай ауылы халҡы өсөн ФАП асылыуы – байрамға тиң. Яңы медицина учреждениеһы матур, йылы, иркен. Урындағы халыҡ был ваҡиғаны түҙемһеҙләнеп көтөп алды.