БИЛЬЯРД. ЯҢЫ ЙЫЛДА ЯҢЫ ЕҢЕҮСЕЛӘР АСЫҠЛАНДЫ

"Урал" физкультура-сәләмәтләндереү комплексында Яңы йыл кубогына бильярд ярышы үтте.

Көсөргәнешле ярыш һөҙөмтәләре буйынса Данир Теләүбаев менән Венер Хәйбуллиндар беренселекте бер кемгә лә бирмәне. Икенсе, өсөнсө урындарҙы Ғаяз Килдейәров, Ишморат Хәкимов һәм Ҡазихан, Кәрим Ғәлиндар бүлеште.

“Кәрзингә” иң күп шар төшөрөүселәр ҙә билдәләнде. И. Хәкимов (иң йәш бильярдсы), Д. Теләүбаев, В. Хәйбуллиндар тәүге өс урынды биләнеләр.

Ярыш бик сәмле үтте. Р. Латыпов та еңеүселәргә үҙе әҙерләгән бүләктәрен тапшырҙы.