Почет грамотаһы тапшырылды

Ерҙе бер ҡат туйҙырһаң, ул һине ун ҡат туйҙырыр, тип белеп әйтә халыҡ – ергә эйелгәндәр барыбер буш ҡалмай.Мораҙым фермеры Ғәлин Әхтәр Әхмәт улы халыҡ аҡылына тырышлығын да ҡушырға онотмай: 52 га майҙан еренең 30 га майҙанына иген сәсеп (20 гектарына – һоло, 10 гектарына – бойҙай), 43 тонна иген һуҡтырып алырға ла иреште ул быйыл көҙ (гектар ҡеүәте 14,5). Киләһе йыл уңышын да алдан хәстәрләп, 30 гектар ерен туңға һөрҙөрөп ҡуйырға ла онотманы. Тырыш фермер 3 тонна тирәһе элиталы “Экада – 70” тигән бойҙай орлоғо ла һатып алған.Бөгөн Әхтәрҙең хужалығында 35 баш йылҡы малы көтөлө.