Робби-Шон Бөрйәндә

Башҡортостандың Күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге саҡырыуы буйынса Бөрйән районына Бөйөк Британиянан танылған фотограф Робби Шон (Robbie Shone) килә. Билдәле фотографтың Башҡортостанға сәйәхәтенең маҡсаты — тәбиғәттең хозурлығын, шулай уҡ Шүлгән мәмерйәһендәге бар донъяға танылыу алған һүрәттәрҙе фотоға төшөрөү. Белгестәр фекеренсә, Робби Шондың эштәре үҙенсәлекле мәмерйәне яңы ракурстан күрергә мөмкинлек бирәсәк.