Башҡоростан Республикаһының 100 йыллығына яңы китап

Күптән түгел З.Биишева исемендәге “Китап” нәшриәтендә тарихсы, журналист, Башҡортостан Республикаһы Хөкүмәтенең Ш.Хоҙайбирҙин исемендәге премияһы лауреаты, Башҡортостан Республикаһының Дәүләт китап палатаһы директоры Азат Ярмуллиндың рус телендә «У истоков Башкирской республики» исемле китабы донъя күрҙе.

Китап Башкортостан Республикаһының 100 йыллығына бағышланған. Унда Башҡортостан дәүләтселеге өсөн көрәшкән, уның нигеҙ ташын һалған билдәле 60 милли хәрәкәт эшмәкәре һәм башҡорт милли ғәскәре сардарҙарының, биографияһы тупланған. Бынан тыш, китапта милли хәрәкәтттә ҡатнашыусылар исемлеге, фотодокументтар, Башкортостан автономияһының дәүләт һәм хәрби органдары тураһында белешмә мәғлүмәт бирелгән.

Китап киң ҡатлам уҡыусыларына, тарихсыларға, тыуған яҡты өйрәнеүселәргә, тарих уҡытыусыларына тәғәйенләнгән, Башҡортостан тарихы менән ҡыҙыҡһынған һәр кемгә тәғәйенләнгән.

Был хеҙмәт, Башкортостан Республикаһының 100 йыллығын байрам итеү айҡанлы, республикаға нигеҙ һалған шәхестерҙе өйрәнеүҙә, уларҙың исемдәрен мәңгеләштереүҙә ярҙам булыр, тигән фекерҙә китап авторы.