Зыян күреүселәргә ярҙам

Бәлә-ҡаза күреүселәргә ярҙам йыйыу тураһында хәбәр булғас та, ҡасаба халҡы был ауазға битараф ҡалмай, тиҙ арала бик күп әйбер йыйҙы. Ауылдың депутаты Зөлфирә Бүләкбай ҡыҙы Абдуллина изге эшкә үҙ өлөшөн индереп, хаҡы 148 меңлек булған әйберләтә ярҙам күрһәтте. Ул шәхси эшҡыуар булып эшләгән ваҡытынан ҡалған барлыҡ өр-яңы тауарҙарын ебәрҙе.

Бәләкәй Ағиҙел ҡасабаһынан ғына барлығы 180 мең һумдан ашыу тауар (юрған, мендәр, кейем-һалым, гигиена кәрәк-яраҡтары, һауыт-һаба, дарыуҙар) йыйылды.