Самат Ғәбиҙуллин исемендәге премияға конкурс эштәре ҡабул ителә башлай

Положениеға ярашлы, конкурста ирекле темаға һәм башҡорт телендә яҙылған шиғри әҫәрҙәр авторҙары ҡатнаша ала. Йәш буйынса сикләүҙәр юҡ, әммә конкурста ҡатнашыусыларҙың Бөрйән районы биләмәһендә йәшәгән булыуы шарт булып тора.  

Конкурста ҡатнашыу өсөн күләме 50 юлдан артмаған кәмендә өс шиғри әҫәр тапшырырға һәм исем-шәрифеңде, тыуған йылыңды, эш йәки уҡыу урынын, бәйләнеш өсөн e-mail  һәм телефон һандарын яҙып, теркәлеү формаһын тултырырға кәрәк.

Дәғүәселәрҙең эштәре 2022 йылдың 1 июненән 30 июненә тиклем түбәндәге адрес буйынса ҡабул ителә: 453580, Бөрйән районы, Иҫке Собханғол ауылы, Ленин урамы, 61.

Еңеүсегә  «Самат Ғәбиҙуллин исемендәге премия лауреаты» исеме бирелә һәм диплом тапшырыла.

Конкурс тураһындағы положение менән Бөрйән районы муниципаль район хакимиәте һәм “Таң” гәзитенең сайттарында танышырға мөмкин.

Белешмәләр өсөн телефондар: 834755-3-62-62, 834755-3-62-92