Сыңланы ҡыңғырауҙар

Ә беренсе тапҡыр мәктәп тупһаһы аша 271 бала үтте: 124 ҡыҙ һәм 147 малай.
Иҫке Монасип мәктәбе Белем көнөндә икеләтә байрам кисерҙе. Берҙән, мәктәп усағы беренсе класҡа 4 малайҙы һәм 3 ҡыҙҙы ҡабул итһә, икенсенән, реконструкция үтеп, яңырған мәктәп үҙ ишектәрен асты. Яҡты, матур кластар заманса ҡорамалдар менән йыһазландырылған, уҡыусылар өсөн бөтә уңайлыҡтар булдырылған (был турала тулыраҡ гәзиттең киләһе аҙналағы һанында уҡырһығыҙ).

Балаларға уҡыуҙарында уңыштар, тырышлыҡ, тәртипле булыуҙарын, ә мәғариф хеҙмәткәрҙәренә эштәренең яҡшы һөҙөмтәләрен күреп ҡыуаныуҙарын теләйек.