"Юл рәтләнеүен 43 йыл көттөк"

Ике урамды тоташтырған тыҡрыҡта юл булмауы ауыл халҡын электән борсоно. Сөнки ямғыр күберәк яуған ваҡытта был тирә үтеп сыҡҡыһыҙ батҡаҡ, ҡойо булған.
-Ошо юлдың рәтләнеүен 43 йыл көттөк. Билдән ҡойоға батып торған саҡтар ҙа булды. Район етәкселегенә ҙур рәхмәт, эштәрендә уңыштар теләйем, - ти был хаҡта Мөслимә апай Вәлиева.  

 

Район хакимиәте башлығы Рәмил Абдуллин ауыл халҡының зарын иғтибарға алып, тыҡрыҡтағы 600 метр оҙонлоҡтағы юлды рәтләү эшен «Алағуян» МУП-ы хеҙмәткәрҙәренә тапшырған. Улар үҙ сиратында был эште тиҙ арала тамамлап та ҡуйған.

"Хәҙер был юлдан автомашиналар ҙа, йәйәүлеләр ҙә бер ҡыйынлыҡһыҙ йөрөй ала", - тип ҡыуанысы менән уртаҡлашты ауыл биләмәһе башлығы Илгиз Муллағолов.