Мутлашыусылар Бөрйән районында йәшәүсе ҡатындың аҡсаһын урлаған

2024 йылдың сентябрь уртаһында watsapp мессенджерында ҡатынға билдәһеҙ кешенән OZON маркетплейсында алыҫтан эшләү тәҡдиме менән хәбәр килә. Ул яуап бирә. Бынан һуң уның менән "ozon белгестәре" бәйләнешкә сыға һәм аҡса эшләү тураһында һөйләшә. Мутлашыусылар ҡыҫҡа ваҡыт эсендә ышанысҡа инә һәм уны аҡсаһын билдәһеҙ иҫәптәргә күсерергә күндерә. Аҡса урланғандан һуң,  "белгестәр” (мутлашыусылар) бәйләнешкә сығыуҙан туҡтай. Был күңелһеҙ тарих тәфтишсе кабинетында тамамлана…

Иҫегеҙҙә тотоғоҙ, таныш булмаған кешеләр менән телефон аша аралашыу күңелһеҙ хәлдәргә килтереүе мөмкин.  Аҡсағыҙҙы теләһә ҡайҙа күсермәгеҙ. Полиция, банк йәки кеҫә телефоны хеҙмәткәре һ.б. шылтыратһа, телефонығыҙҙы һүндерегеҙ. Мутлашыусы менән яҙышҡан скриншоттарҙы ентекләп өйрәнегеҙ, һығымталар яһағыҙ!,- тип иҫкәртә Рәсәй Эске эштәр министрлығының Бөрйән районы буйынса бүлексәһе.