2023 йылдың 11 айы йомғаҡтары буйынса Башҡортостан Республикаһы биләмәһендә 16 йәшкә тиклемге бәлиғ булмағандар ҡатнашлығында 412 (+16,4 %) юл-транспорт ваҡиғаһы теркәлгән, уларҙа 8 (-27,3%) бала һәләк булған һәм 447-һе (+14,6%) тән йәрәхәттәре алған.
Ағымдағы юл-транспорт ваҡиғаларының күбеһе (40,3%) пассажир балалар ҡатнашлығында булған. 166 (+23,9%) юл-транспорт ваҡиғаһы теркәлгән, уларҙа 5 (+25%)бала һәләк булған һәм 186-һы (+13,4%) йәрәхәтләнгән.
Балаларҙы йөрөтөү ҡағиҙәләрен боҙған осраҡта (балаларҙы махсус креслоһыҙ йөрөтөү) 11 (=) юл-транспорт ваҡиғаһы теркәлгән, уларҙа 2 (+100%)бала һәләк булған һәм 14-е (-12,5%)йәрәхәтләнгән.
Күпселеге (30,3%) бәлиғ булмаған йәйәүлеләрҙең ҡатнашлығында булған, 125 (-10,7%) юл-транспорт ваҡиғаһы теркәлгән, уларҙа 1 (-66%) бала һәләк булған һәм 126-һы (-10,6%) төрлө йәрәхәттәр алған. Яҡтылыҡты кире ҡайтарыусы элементтарһыҙ төнөн 2 (-33,3%) юл-транспорт фажиғәһе теркәлгән, уларҙа 2 (-33,3%) бәлиғ булмаған бала йәрәхәтләнгән.
Транспорт саралары менән идара иткәндә бәлиғ булмағандар ҡатнашлығындағы юл-транспорт ваҡиғаларының артыуы айырыуса хәүеф тыуҙыра.
Бәлиғ булмаған механик транспорт водителдәре ҡатнашлығында 95 (+82,7%) юл-транспорт ваҡиғаһы теркәлгән, уларҙа 2 (-33,3%) бала һәләк булған һәм 93-ө (+89,8%) йәрәхәтләнгән. Юл-транспорт ваҡиғаларының яртыһынан ашыуы (65; +132%) бәлиғ булмағандарҙың үҙ һаҡһыҙлығы арҡаһында килеп сыҡҡан , уларҙа 2 (+100%) бала һәләк булған һәм 63-ө (+133,3 %) йәрәхәтләнгән.
С.Буранбаев,
ЮХХДИ бүлегенең Дәүләт юл хәрәкәте хәүефһеҙлеге инспекторы полицияның өлкән лейтенанты