Илебеҙ киләсәге яҡты булһын өсөн

Вәзирә Дәүләтбай ҡыҙының улы бөгөнгө көндә  оборона министрлығы менән контракт төҙөп махсус хәрби операцияла хеҙмәт итә. Ҡыҙы Иҫке Собханғол урта мәктәбендә башланғыс кластар уҡытыусыһы. Ейәнсәрҙәренең олоһо Ҡазан яҡтарында эшләй, бәләкәйе 4-се класта ғына уҡый әле.

-Бөгөн мин балаларыбыҙҙың шат, илебеҙҙең яҡты киләсәге өсөн һайлауға килдем. Алдағы көндәребеҙ тыныс  булһын, илебеҙ сәскә атһын. Махсус хәрби операция тиҙерәк еңеү менән тамамланһын, - тигән теләктә апай.

1658-се һайлау участкаһында төшкә тиклем 150-гә яҡын кеше тауыш биргән.

Хәтерегеҙгә төшөрәбеҙ, Башҡортостан Башлығын һайлау 6, 7 һәм 8 сентябрҙә үтә. Был көндәрҙә һайлау участкаларына килгән кешеләрҙең барыһы ла «Рәхмәт-2024» республика акцияһында бүләктәр уйнатыуҙа ҡатнаша ала. Һайлауға килеүселәргә ирекмәндәр QR-билеттар тарата.