Башҡортостанда ауыл хужалығы техникаһы паркы 3223 берәмеккә яңыртылды.

- Йыл башынан алып ауыл хужалығы предприятиелары һәм фермерҙар 430 трактор, 161 иген йыйыу һәм 38 үҙйөрөшлө мал аҙығы йыйыу комбайны, 57 үҙйөрөшлө һиптергес, 830 берәмек тупраҡ эшкәртеү һәм сәсеү машиналары һәм ҡоралдары һәм башҡа төр техника һатып алды, - тип билдәләне БР Хөкүмәте Премьер-министры урынбаҫары - ауыл хужалығы министры Илшат Фәзрахманов.

- Был ағымдағы ҡатмарлы йыл өсөн яҡшы күләм. Техник паркты яңыртыу бер нигә ҡарамаҫтан дауам итеүе ҡыуандыра, һәм беҙ киләһе миҙгелгә ышаныслы әҙерләнә алабыҙ. 2022 йылда рекордлы уңышты төбәк аграрийҙары үҫтергән, шул иҫәптән ауыл хужалығы культураларын эшкәртеүҙә бөтә агротехнологик сроктарҙы үтәү һөҙөмтәһендә, ә был заманса техникаһыҙ мөмкин түгел.

Шуныһы мөһим:  3,7 миллиард һумға 647 берәмек техниканы Башҡортостан аграрийҙары АО «Росагролизинг» льготалы программалары аша һатып алды. Ағымдағы йылдың көҙөндә компания «Иртәрәк бронләү - 2022» яңы льготалы программаһын иң отошло финанс схемаһы менән ғәмәлгә индерҙе. Төп өҫтөнлөктәр иҫәбендә - 0 % -тан алып аванс түләүҙәре  - аванс тәғәйенләнгән осраҡта 2023 йылдың апреленә тиклем түләү кисектерелә; төп бурыс буйынса бурысты 2023 йылдың 1 сентябренә ҡәҙәр кисектереү; лизинг ваҡыты - 8 йылға тиклем; ҡиммәтләндереү ставкаһы - 3 проценттан алып.

Сығанаҡ: Правительства Республики Башкортостан  сайтынан тәржемә ителде