+28 °С
Болотло
Ғәилә
2 Февраль 2024, 12:00
Ысын ағай була белде ул...
1960 йылдың декабрь айы. Мин Ҡыпсаҡта беренсе класта уҡып йөрөйөм.Атай менән әсәй ауылдан 9 саҡрым алыҫлыҡтаРәш тигән ерҙә ҡышлауҙаэшләйҙәр. Атай ҡышлауҙағы колхоз һарыҡтарына ат менән бесән ташый,әсәй һарыҡ ҡарай. Үҙәнйылғаһында көн һайынһарыҡтарға мәке уялар.Кәбәндәр алыҫ түгел – Үҙәнтуғайҙарында һәм эргәтирәләге һандалаларҙа(ағас араһында асыҡ бейек урындар). Үҙҙәреэргәһендә минән бәләкәйТаһир ҡустыға - 5, Мәрзиә һеңлемә - 3 , Тәлғәт ҡустыға 1 йәш. Ауылда мин өләсәйем менән йәшәйем. Ул атайҙың әсәһе. Өләсәй диндар кеше ине, бишнамаҙын да үтәне, Ҡөрьән китабы ла булды. Был китапты ул ҡайһылайтып уҡый икән, тип ғәжәпләнә торғайным.
Ысын ағай була белде ул...
Бер көн ҡараңғы төшөүгә өләсәйем Зөләйха инәйҙәргә ҡунаҡҡа китте. Мин һуҡыр шәм яҡтыһында дәрес әҙерләпултырам. Шул ваҡыт ишек шаҡынылар. Ул арала ишектән Яхин Зәки ағайинеп килә. Оҙон кәүҙәле булғанлыҡтан, ул башын ишек яҡтауына төкөп алды ла: «Һөйөнсө», - тип ҡысҡырып ебәрҙе. Артынса ишектән шинель кейгән һалдат килеп инде. Ул өләсәйемдең кесе улы, атайымдың бер туған ҡустыһы Сәғәҙәтдин ағайым ине. Мин урындыҡ өҫтөнән уның түшенә ырғып, муйынынан ҡосаҡлап алдым...Бына ошо декабрь кисенә 63 йыл тулып уҙҙы. Бөгөн булһын мин ағайымдың тыштан яңы ғына ингән шинеленең бераҙ һалҡынлығын тоям. Көслө ҡулдар мине күтәреп алды,күкрәгенә ҡыҫып, арҡамдан һөйҙө. Ул төн күрше - тирә апалар, инәйҙәр, ағайҙар,еңгәйҙәр беҙҙә булды,атай ҙа ат менән ҡайтып төштө. Өләсәй ағай ҡайтыуға тип бал ҡойған ине. Күрше Нуретдин,Юныс, Ҡотлоғәләм апалар,Әҡсән, Зөбәйер, Ханнан, Ғәлиән ағайҙар һәм атайым фляганың төбөнә еткәнсе байрам иттеләр.Сәғәҙәтдин ағай армиянан сигнал ракетаһы алып ҡайтҡан ине. Төндә уны һауаға аттылар. Дауамы гәзит биттәрендә. №5 02.02.2024 й.
