Хеҙмәте баһаланды!

Һаулыҡ һаҡлау хеҙмәткәрҙәре көнө уңайынан үткән байрам сараһының тантаналы өлөшө район мәҙәниәт йортонда уҙҙы. Унда аҡ халатлыларҙы ҡотлап, маҡтау һәм рәхмәт хаттары тапшырылды. Сара мәҙәниәт һарайы хеҙмәткәрҙәре әҙерләгән концерт менән үрелеп барҙы. Тантаналы өлөштән һуң дауахана хеҙмәткәрҙәре һәм ветерандары өсөн сәй табыны ойошторолдо.