ДИСПАНСЕРИЗАЦИЯ ҮТЕҮ НИСЕК БАРА?

Ғинуарҙан алып 27 июлгә тиклем Бөрйән район үҙәк дауаханаһында 2291 кеше диспансеризацияның беренсе этабын, 322 кеше икенсе этабын үткән.

Диспансеризация барышында 2 яман шеш, 7 шәкәр диабеты, 102 йөрәк-ҡан тамырҙары, 28 ашҡаҙан-эсәк, 3 тын алыу органдары ауырыуҙары һәм башҡа төрлө 143 сир асыҡланған.

Дауаханала ҡатын-ҡыҙҙар өсөн маммография үтеү, яңы ҡуйылған аппаратта ашҡаҙанды тикшереү мөмкинлеге бар. Шулай уҡ эхокардиография бүлмәһе асылды. Кискә тиклем эшләүселәр шаршамбы көнө киске сәғәт 7-гә тиклем килеп күренә ала.

Дөйөм алғанда, көн дә 4 кеше диспансеризация үтергә килә. Тағы ла коронавирус сирен үткәреүселәр өсөн тәрәнәйтелгән диспансеризация үтеү мөмкинлеге ҡаралған. Үҙегеҙҙе һаҡлағыҙ, ваҡытында диспансеризация үтегеҙ.