Бөтә яңылыҡтар
Һаулыҡ - ҙур байлыҡ
9 Февраль , 09:29

Балалар коронавирусҡа ҡаршы вакцинаны нисек үткәрә?

Был хаҡта Һаулыҡ һаҡлау министрлығында һөйләнеләр. Башҡортостанда 12-17 йәшлек 2 427 үҫмер яңы коронавирус инфекцияһына ҡаршы «Спутник М» вакцинаһын эшләткән. Республиканың һаулыҡ һаҡлау министры урынбаҫары Ирина Кононова һүҙҙәренсә, балалар прививканы яҡшы үткәрә.

Балалар коронавирусҡа ҡаршы вакцинаны нисек үткәрә?
Балалар коронавирусҡа ҡаршы вакцинаны нисек үткәрә?

«Температура күтәрелеү осраҡтары бик һирәк осрай. Йышыраҡ — урындағы реакциялар. Хәйер, ковидты ла балалар еңелерәк кисерә. Һүҙ социаль дистанция тураһында түгел, ә ауырыу менән бер бүлмәлә үткәрелгән сәғәттәр хаҡында бара. Коронавирустың инкубация осоро бер тәүлеккә тиклем ҡыҫҡарҙы», — тип билдәләне министр урынбаҫары брифингта.

Әйткәндәй, 8 февралгә республикала сирлеләрҙең дөйөм һаны 145 773-кә еткән. Тәүлек эсендә сир йоҡтороуҙың 2 396 осрағы асыҡланған, 308 пациент — стационарҙа, 15 472-һе өйҙә дауалана. Бер тәүлектә коронавирус ҡорбандары 10-ға артҡан.

https://www.bashinform.ru/news/social/2022-02-08/v-minzdrave-bashkirii-rasskazali-kak-deti-perenosyat-vaktsinu-ot-koronavirusa-2684850

Автор:
Читайте нас в