Таңһылыу 1-се дәрәжә лауреат дипломына лайыҡ булған!

Конкурс һөҙөмтәләре буйынса ул беренсе дәрәжә лауреат дипломына эйә булған!

-19-20 апрель көнө Әлшәй районы Раевка ауылында уҙған башҡорт балаҫы фестивалендә ҡатнашыу бәхете тейҙе. Беренсе көнө балаҫ һуғыу буйынса оҫталар араһында конкурс һәм күргәҙмә-конкурс булһа, икенсе көнө мастер-кластар, түңәрәк өҫтәл үтте.

Интернет селтәре аша аралашҡан оҫталар бергә осрашып, фекер алышып, балаҫ һуғыу серҙәре менән бүлештеләр. Был сараны ойоштороусыларға, фестивалдә ҡайнап йөрөгән һәр береһенә ҙур-ҙур рәхмәт! Йылы һүҙҙәр, изге теләктәр беҙгә илһам-дәрт өҫтәне, ҡанат ҡуйҙы. Алла бирһә, киләһе осрашҡанға тиклем! – тип тәьҫораттары менән бүлешә Таңһылыу.

Афарин! Алда ла еңеүҙәр, ижади балҡыштар насип булһын!

(Таңһылыу Ҡарағолованың сәхифәһендәге фотолар файҙаланылды).