Яңыны иҫке күтәрә!

ЙӘН ДАУАҺЫ.

Бәйләмемә төрлө нағыш һалып,
Серле йомғаҡтарҙы мин һүтәм.
Бәйләм бәйләй-бәйләй уйым менән
Ғүмерем юлын яңынан мин үтәм.

Үҙ- үҙемде еңә алмағанда
Ҡулдарыма алһам бәйләмем,
Хәсрәттәрем шунда тағатыла,
Уйҙар китә уйға бәйләнеп.

Йөрәк көҫәгәндә наҙ, иркәләү,
Болоҡһоған саҡта күңелем,
Ҡулдарыма алам бәйләмемде,
Баҫыр өсөн йөрәк әрнеүен.

Бәйләмемдә минең күҙ нурҙарым,
Хәсрәттәрем, һағыш, хистәрем,
Уға һыйған шатлыҡ- ҡыуанысым,
Унда - хыялым, өмөттәрем.

Йәйғор төҫө балҡый бәйләмемдә,
Ҡояш нуры унда сағыла,
Йәнгә дауа бирә бәйләмдәрем,
Тылсымлы көс унан ағыла.
Ижади күңелле Зәйтүнә апайға уңыштар, сәләмәтлек теләйбеҙ.