Ҡымыҙҙары тәмле, үҙҙәре егәрле

Иҫке Монасип уңғандарының эш барышы менән танышыу өсөн оло юл буйында урынлашҡан хужалыҡтарына йүнәлдек.

-Быйыл йәйләүҙә эште һуңыраҡ башланыҡ. Ауылдан иртәнсәк киләбеҙ ҙә кискә ҡайтабыҙ. Көтөүселәребеҙ һәйбәт. Әҡсән Әйүпов менән Нур Муллағолов алмашлап эшләйҙәр. Кискеһен бейәләрҙе ҡолондарына ҡушып, иртәнсәк беҙ килеүгә айырып торалар. Ҡымыҙҙы иртәнге сәғәт 11-ҙән һата башлайбыҙ, эш көнөбөҙ киске 7-лә тамамлана. Бейәләрҙе көнөнә  4 тапҡыр һауам. 30-40 литрҙай һөт сыға. Ҡымыҙҙы һораусылар бик күп, етештереп кенә өлгөр. Ҡайһы берәүҙәр һөт килеш тә алып китәләр. Иң ҡыйыны - һатып алыусыны, ҡымыҙ бөттө, тип буш ҡул менән сығарыу. Күмәртәләп алыусылар күп. Туйҙарға, тыуған көндәргә, байрамдарға  алдан заказ бирәләр. Даими һатып алыусы туристарым да бар. Шүлгәнгә ял итергә килгәндәрендә юл ыңғайы заказ бирәләр ҙә, ҡайтышлай алып китәләр. Ҡыҙҙарым һәр ваҡыт эргәлә, улар менән эш күпкә еңелләшә, - тип һөйләне Йәмилә апай, 7-8 йыл тотонған 3 батманындағы ҡымыҙын алмаш-тилмәш бешә-бешә.

Тулы вариант - гәзиттә