Дуҫтар, һуңғы ваҡытта һеҙгә тәмлекәстәр рецептары тәҡдим итмәй башлағанбыҙ икән дә баһа! Әйҙәгеҙ, ял көндәрендә бынау еңел генә салатты эшләп ашап алайыҡ булмаһа.
400-әр грамм һыйыр ите, картуф, бешкән сөгөлдөр, 300 грамм әҙер корейса кишер, 1 алма, самаһына ҡарап майонез (250 грамм самаһы).
Ингредиенттар ҡатлап һалына:
1-се ҡат – һаламлап туралған ит;
2-се ҡат – таҙартып, ҡырғыс аша үткәрелгән алма;
3-сө ҡат – ҡырғыс аша үткәрелгән бешкән картуф;
4-се ҡат – ҡырғыс аша үткәрелгән бешкән сөгөлдөр;
5-се ҡат – корейсе кишер.
Һәр ҡаттың араһына майонез һылана. Салаттың өҫтөн дә майонез менән тигеҙләп ҡуйырға кәңәш ителә. Үҙегеҙсә биҙәргә мөмкин. Мәҫәлән, йәшел һуған менән.