Аҙна аҙағына һауа торошо ҡапыл үҙгәрә

Төбәккә һыуыҡ һауа торошо килә. Төндә термометр бағаналары байтаҡҡҡа төшөп китһә, көндөҙ ямғырҙар көтөлә.

Бөгөн, 27 августа, көндөҙ урыны менән ҡыҫҡа ваҡытлы ямғырҙар, урыны менән йәшен, көньяҡҡа ҡарай яуым-төшөмһөҙ һауа торошо фаразлана. Көндөҙ +17, +22 градус тирәһе буласаҡ.

Иртәгә, 28 августа, синоптиктар артыҡ яуым-төшөм вәғәҙәләмәй. Һауа торошо төндә +3, +8, көндөҙ +13, +18 градус буласаҡ.

Шулай итеп, ҡыяр-помидорҙарҙың һуңғыларын йыйып алып, картуфҡа тотонорға ла мәлдәр етә. Рәхмәт, йәй!

“Башинформ” мәғлүмәттәре файҙаланылды.