“Халыҡтың юлдарҙың торошон ыңғай баһалауы бик шатландырҙы”.

Кисә, 24 августа, "Хакимиәт көнө" сиктәрендә Аҫҡар ауыл биләмәһендә граждандарҙы күсмә ҡабул итеү ойошторолдо. Халыҡ менән осрашыу Аҫҡар ауылы мәктәбендә үтте.

-Биләмәлә башҡарылған эштәр, киләсәккә пландар тураһында һөйләштек. Ауылда яңы мәҙәниәт йорто төҙөү, коммуналь хеҙмәттәр өсөн түләүҙе ойоштороу һ.б. мәсьәләләр буйынса һорауҙар булды. Урында яуап бирелде. Шулай уҡ мәктәптең йылытыу системаһы буйынса мәсьәләне ҡараныҡ. Был һорауҙы тиҙ арала хәл итергә кәрәк.

Халыҡтың юлдарҙың торошон ыңғай баһалауын ишетеү бик шатландырҙы.

Дөйөм осрашыуҙан һуң шәхси һорауҙары менән граждандарҙы ҡабул иттем, унда һәр ҡатнашыусы үҙ һорауҙарына яуаптар, аңлатмалар алды.

Райондың ауыл биләмәләрендә граждандарҙы күсмә ҡабул итеү 7 сентябргә тиклем дауам итә. Халыҡты унда әүҙем ҡатнашырға саҡырам, - тип хәбәр итә район етәксеһе https://vk.ru/ramilabdullinburzyan төркөмөндә.