Ҡотандар киленгә һыу юлы күрһәтте

-Һуңғы ваҡытта халҡыбыҙҙың йолаларын тергеҙеү, уларҙы йәштәргә күрһәтеү матур традицияға әйләнә бара. Бөгөн күпселек туйҙарҙа киленгә һыу юлы күрһәтеү йолаһы башҡарыла.
Ҡотан ауылында ошо көндәрҙә сәстәрен сәскә бәйләгән бәхетле пар - Динислам һәм Айһылыу Ырыҫбаевтарҙың туй тантанаһы үтте. "Мәсетле" фольклор ансамбле ағзалары менән берлектә киленгә һыу юлы күрһәтеү йолаһын башҡарҙыҡ – киленде Мусағәле шишмәһенә алып барҙыҡ.
Йыр-бейеү, гармун моңдары менән яңы төшкән киленгә бикәстәре һыу юлы күрһәтеп, инәйҙәр изге теләктәрен теләп, йола күрһәтеп, йәштәргә изге теләктәрен еткерҙе, бүләктәрен тапшырҙы. Йәштәр бәхетле булһын! - тип яҙалар https://vk.ru/club173678738 төркөмөндә.

Сығанаҡ: https://vk.ru/club173678738