Алдағы көндәрҙә ниндәй һауа торошо көтөлә?

Синоптиктар алдағы өс көнгә һауа торошо тураһында белдереү яһаны.

Улар фаразынса, алдағы көндәрҙә уңайлы һауа торошо көтөлә. Ваҡыты һәм урыны менән ямғырҙар ҙа буласаҡ.

Бөгөн, 8 июлдә, 25 градусҡа ҡәҙәр эҫе вәғәҙәләйҙәр. Иртәгә, 9 июлдә, урыны менән ямғырҙар, йәшен булыуы ихтимал. Һауа температураһы +24, +27 градус буласаҡ.

Артабан көндәрҙең эҫей барыуын күҙаллайҙар. Мәҫәлән, шәмбелә +29, +30 градус көтөлә.

Әйткәндәй, кисә Өфөлә көслө борсаҡ яуған.

"Башинформ" мәғлүмәттәре файҙаланылды.