“Ағиҙел” лагерында икенсе смена башланды

Эш сәфәре барышында етәкселәр лагерҙың әҙерлек кимәлен тикшерҙе, шулай уҡ бер нисә иҫкәрмә яһап, хеҙмәткәрҙәр алдына бурыстар ҡуйҙы.

Улар тышҡы тәртипкә генә түгел, ә балаларҙың ялын ойоштороу мәсьәләләренә лә иғтибар бүлде. Лагерҙы асыу тантанаһына әҙерләнгән балалар менән аралашып, уларҙың туҡланыу, йәшәү шарттары тураһында һорашты. Лагерҙағы 11 өйҙә 8 вожатый ҡарамағында 82 бала ял итә. Бөрйәндән тыш, Өфөнән, Темәстән килгән балалар бар.

Хәүефһеҙлек - ул тыныслыҡ нигеҙе. Ҡағиҙәләргә ярашлы, ата-әсәләргә 21 көнлөк смена дауамында балаларын алып ҡайтмаҫҡа, шулай уҡ тәм-томдар килтермәҫкә тейешлеге һыҙыҡ өҫтөнә алынды.

Балаларға күңелле ялдар, яҡшы дуҫтар табыуҙарын теләйбеҙ!