"Сәләмәтлек поезы" Яңы Монасипта эшләне

“Сәләмәтлек поезы”н ауылдарҙа халыҡ көтөп ала. Унда һаулығын теләгән һәр кеше тикшертә ала.

Әлеге ваҡытта, йәғни 22 июндән 26-һына тиклем «Сәләмәтлек поезы» Бөрйән районында халыҡты ҡабул итә. 22 июндә медицина хеҙмәткәрҙәре Яңы Монасипта эшләне. Артабан улар 23-24 июндә Ғәҙелгәрәйҙә, 25-26 июндә Иҫке Собханғолда ҡабул итәсәк.

Яңы Монасипта күҙ табибы 30 кешене ҡараһа, терапевҡа - 21, неврологка - 17, акушер-гинекологка 17 кеше күренеп, һаулыҡтарын тикшерткән. 

Ауырыуҙы ваҡытында асыҡлау һәм дауалай башлау өсөн "Сәләмәтлек поезы" акцияһы ҙур мөмкинлек бирә. Хатта онкология сирҙәрен дә иртә стадияла уңышлы дауалап була, тип иҫкәртә табиптар. Шуға күрә даими тикшереү үтергә һәм сәләмәтлегеңә иғтибар бүлергә кәрәк.