Дуҫлыҡ нисә төрлө була?

Аҡыл эйәһенән: “Дуҫлыҡтың нисә төрө була?” тип һорағандар.

-4 төрө була, - тигән ул.

Ниндәй төрҙәре, тиһегеҙме?

-Ризыҡ кеүек дуҫтар була – уларға көн һайын мохтажлыҡ кисерәһең.

Дарыу кеүек дуҫтар була – уларҙы үҙеңә ҡыйын булған саҡтарҙа эҙләйһең.

Сир кеүек дуҫтар була – улар һине үҙҙәре эҙләп таба.

Шул уҡ ваҡытта һауа кеүек дуҫтар була – улар күренмәй, ләкин улар һәр ваҡыт һинең менән, - тигән аҡыл эйәһе.

Килешәһегеҙҙер?..