+28 °С
Болотло
Йәмғиәт
11 Апрель 2025, 10:35
«Шүлгәнташ» музейына газ үткәрелә башланы
Бөрйән районында «Шүлгәнташ» музей комплексына һәм «Морат туғай» туристик комплексына газ үткәреү башланды. Әлеге ваҡытта юлдың асфальт япмаһы аҫтында газ торбалары һалыу эштәре алып барыла, тип хәбәр иттеләр «Шүлгәнташ»тың рәсми төркөмөндә. Бынан тыш, быйыл көҙ музей комплексы менән бергә яҡын-тирәләге Әтек, Мәндәғол, Кейекбай, Ҡотан, Ғәҙелгәрәй һәм Ырғыҙлы ауылдары ла зәңгәр яғыулыҡҡа тоташтырыла. Ҡасаба-ара газ үткәргес алыҫ ауылдарҙы район үҙәге менән тоташтырған да инде, хәҙер ауылдарҙа эштәр бара.
«Шүлгәнташ» музейына газ үткәрелә башланы
Хәтерегеҙгә төшөрәбеҙ, 2025 йылда Башҡортостанда биш ҡасаба-ара газ үткәргес төҙөлә. Был дүрт районда 22 ауылды газ менән тәьмин итергә мөмкинлек бирә.
Социаль программа сиктәрендә ағымдағы йылда 459,5 саҡрым газ үткәргес төҙөү планлаштырыла. Был иһә 14 мең йортто газға тоташтырырға мөмкин тигән һүҙ. Программа ярҙамында бөтәһе 57,4 мең ғаилә газ менән файҙаланыу мөмкинлегенә эйә була. Башҡортостан ошо йүнәлештә алдынғы урындарҙы биләй.
Фото:«Шүлгәнташ» музей комплексы
“Башинформ”дан.
