Алдағы көндәрҙә бер аҙ һыуыта

Башгидрометүҙәк хәбәр итеүенсә, бөгөн, 3 февралдә, урыны менән ҡар, епшек ҡар яуыуы ихтимал, юлдарҙа тайғаҡ. Көндөҙ һауа торошо +1, -4 градус тирәһе буласаҡ.

Иртәгә, 4 февралдә, урыны менән бер аҙ ҡар яуыуы көтөлә. Төндә һауа температураһы -2, -7, аяҙытҡанда -12 градус  күҙаллана. Көндөҙ 0, -5 градус тирәһе.

Шаршамбы, 5 февралдә, яуым-төшөм көтөлмәй. Көндөҙ -2, -7, төндә -7, -12 градус һыуыҡ фаразлана.