Һыуыҡтар көтөлә

Бөгөн, 20 ғинуарҙа, урыны менән бер аҙ ҡар яуыуы, еүеш ҡар көтөлә. Юлдарҙа иғтибарлылыҡ кәрәк – тайғаҡ булыуы күҙаллана. Көндөҙ һауа торошо 0, -5 градус.

Иртәгә, 21 ғинуарҙа, төндә ҡар яуыуы, көндөҙ урыны менән бер аҙ ҡар күҙаллана. Төндә һауа торошо -7, -12 градус, көндөҙ, көн дауамында һыуый барып, -17, хатта урыны менән -22 градус булыуы мөмкин.

Шаршамбы, 22 ғинуарҙа, төндә урыны менән бер аҙ ҡар, көндөҙ яуым-төшөмһөҙ һауа торошо көтөлә. Һауа торошо төндә -18, -23 градус, аяҙытҡанда – 28 градусҡа етеүе ихтимал. Көндөҙ -15, -20 градус самаһы буласаҡ.

Шулай итеп, ҡыш ҡышлығын итеп алмаҡсы.

(“Башинформ” мәғлүмәттәре файҙаланылды).