Үҫмерҙәр хәрби сынығыу үтте

-Иҫке Собханғол урта дөйөм белем биреү мәктәбенән генә лә был йыйындарҙа 19 уҡыусы ҡатнашты.

Бик тығыҙ графиклы 5 көн дауамында егеттәр хәрби әҙерлек донъяһына сумды. Уларҙы физик сыҙамлылыҡты үҫтереүгә йүнәлтелгән һәр төрлө күнекмәләр, сафта дөрөҫ атлап йөрөү серҙәре, тактик һәм  хәрби белем алыу көтә ине.

Программаға шулай уҡ медицина һәм инженерлыҡ әҙерлеге, радиацион, химик һәм биологик һаҡланыу сараларын, дөйөм хәрби устав нигеҙҙәрен өйрәнеү һәм башҡа күп нәмәләр индерелгән.

Тәжрибәле хәрби инструкторҙар уҡыусыларға теоретик белем биреп кенә ҡалмаған, уҡыу күнекмәләре ваҡытында уларҙы практикала нисек ҡулланырға кәрәклеге хаҡында ла төшөндөргән.

Хәрби часть полигонында практик атып ҡарау һәм хәрбиләштерелгән эстафета йыйынды тамамлау этабы булып торған. Уларҙа егеттәр үҙҙәренең алған белемдәрен һәм яңы саҡырыуҙарға әҙерлектәрен күрһәткән.

Ир-егетлек мәктәбе үткән егеттәрҙе йыйынды уңышлы тамамлауҙары менән ҡотлайбыҙ. Киләсәктә лә уңыштар һәм яңы еңеүҙәр һеҙгә! – тип хәбәр итәләр Иҫке Собханғол урта дөйөм белем биреү мәктәбе төркөмөндә (фотолар ҙа шул төркөмдән).