Башҡорт батальонына – УАЗ (Фермер)

Бөгөн Башҡортостан Республикаһы Ветеринария буйынса дәүләт комитеты Бөрйән район ветеринария станцияһы менән берлектә “ТОВАРИЩИ” Автономлы коммерцияға ҡарамаған ойошмаһына һәр төрлө юлдарҙа йөрөй алыу мөмкинлегенә эйә УАЗ 39094 (Фермер) йөк һәм пассажир автомобиле тапшырҙы.

Был техника яҡын арала алғы һыҙыҡта булған башҡорт батальонына оҙатыласаҡ.

Республикан ветеринария хеҙмәте хеҙмәткәрҙәре изге эштәрҙән ситтә ҡалмай. Улар даими рәүештә кәрәкле техника, ҡоролмалар, ҡорамалдар, кейем-һалым һәм тәү сиратта кәрәк булған әйберҙәр рәүешендә гуманитар ярҙам ойоштороп торалар.

Бынан тыш, ирекмәндәр маскировка селтәрҙәре үреүҙә, окоп шәмдәре әҙерләүҙә һәм финанс ярҙамы йыйыуҙа әүҙем ҡатнашалар.

#Ватан_һағында_беҙ_бергә