Ҡотандар маскировка селтәрҙәре үрә

Ҡотан ауылында “Үҙебеҙҙекеләрҙе ташламайбыҙ” ("Своих не бросаем") тигән ирекмәндәр хәрәкәте етәксеһе Ольга Попова тарафынан маскировка селтәрҙәре үреү өсөн материалдар һатып алыуға аҡса средстволары йыйыу ойошторолған.

-Финанс ярҙамығыҙ өсөн һәр берегеҙгә рәхмәтлебеҙ. Һеҙҙең ярҙам менән 55 мең 100 һум аҡса йыйылды. Барығыҙға ла ныҡлы сәләмәтлек, тыныс күк йөҙө, ә махсус хәрби операциялағы ир-егеттәргә өйҙәренә имен-аман әйләнеп ҡайтыуҙарын теләйбеҙ.

Йыйылған аҡсаға маскировка селтәрҙәре үреү өсөн материал алыуға заказ бирелде.

Әлеге ваҡытта бынан алдағы йыйымдан ҡалған материалдан маскировка селтәрҙәре үреүҙе башланыҡ, - тип хәбәр итәләр
Кутановский Дом-Культуры  төркөмөндә. # Своихнебросаем

Афарин, ҡотандар!