+28 °С
Болотло
Йәмғиәт
30 Октябрь 2024, 03:20
Шәүрә журналистика серҙәрен өйрәнә
Бөрйәндән бер нисә бала был көндәрҙә Өфөлә “Мин – йәш Шәһитсе” проектында шөғөлләнә. Улар араһында Иҫке Собханғолдан Шәүрә Манапова ла бар. Шуныһы – Шәүрә ундағы көндәре хаҡында үҙенең социаль селтәрҙәге сәхифәһендә көндәлек алып бара. Әйҙәгеҙ, Шәүрә Ғәзиз ҡыҙының яҙмаларына күҙ һалайыҡ.
Шәүрә журналистика серҙәрен өйрәнә
28 октябрҙән 1 ноябргә тиклем «Мин-Йәш шәһитсе» проектында ҡатнашасаҡмын. Мине алда мауыҡтырғыс мәл көтә!
*
Медиамәктәптең беренсе көнө
Беҙ бөгөн, ниһайәт, төрлө райондарҙан килеп, проекта ҡатнаша башланыҡ. Лариса Абдуллина, Рита Стеничкина, Зөһрә Рәхмәтуллина тигән апайҙар беҙҙе Ш. Бабич һәйкәле янында ҡаршы алдылар. С. Юлаев һәйкәленә экскурсияға барып килдек, “Торатау” Конгресс холында ашап алғас, Рәми Ғарипов гимназияға урынлашырға килдек. Әле беҙ ял итәбеҙ.
Хәҙер мин фотоға, видеоға төшөрөү серҙәрен беләм.
*
Бөгөн икенсе көн тамамланды
Иртәнсәк ашап, СВО-нан герой менән күрештек, уларға һорауҙар бирҙек, сәй эстек. Унан һуң беҙ музейҙы ҡарап сыҡтыҡ һәм патефондан көйҙәр тыңланыҡ. Беҙгә бик ҙур сәғәттәрҙең коллекцияһын күрһәттеләр. Кискеһен беҙ ашауҙан һуң уйындар уйнаныҡ һәм йырҙар яҙҙыҡ.
Афарин, Шәүрә! Уңыштар һиңә!
Шәүрә журналистика серҙәрен өйрәнә
