“Киләсәгебеҙҙе үҙебеҙ һайлайбыҙ!” тиҙәр балалар

Ошондай девиз аҫтында Иҫке Собханғол урта дөйөм белем биреү мәктәбенең 7 “А” класы уҡыусылары “Киләсәккә билет” һөнәри йүнәлеш проекты сиктәрендә полиция бүлексәһенә экскурсияға барҙы. Улар участковыйҙарҙың, дәүләт автоинспекцияһы хеҙмәткәрҙәренең һәм башҡа хеҙмәткәрҙәрҙең эше менын танышты.

-Бәлиғ булмағандар эштәре буйынса инспектор, полиция лейтенанты Й. Хәсәнов балалар менән профилактик әңгәмә үткәрҙе. Полиция бүлексәһе начальнигының шәхси состав менән эшләү буйынса урынбаҫары И. Ғәлин балаларҙы полицияның музейы менән таныштырҙы.

Уҡыусылар полиция хеҙмәткәрҙәренең эш тәртибе, бурыстары, граждандарҙың хоҡуҡтарын һаҡлап, бик грамоталы һәм үлсәп кенә эш итергә тейешлектәре хаҡында белде.

Уҡыусыларҙы үҙаллы аңлы рәүештә һөнәр һайлауға әҙерләү – мәктәптә профессиональ йүнәлеш эшен дөрөҫ ойоштороу һөҙөмтәһе. Был айырым кешенең генә түгел, тотош йәмғиәттең мөһим үҫеш компонентарының береһе, - тип хбәр итәләр (МОБУ СОШ с.Старосубхангулово  төркөмөндә.

(Үрҙә телгә алынған төркөмдөң мәғлүмәттәре һәм фотолары файҙаланылды).